Plantun de Prouvènço

Pèr coumpara dos planto d'encò nostre

Hieracium stelligerum & Sagittaria sagittifolia

Hieracium stelligerum

Asteraceae Compositae

Nom en français : Épervière à poils étoilés.

Descripcioun :
Aquesto esparello, endemico dóu miejour de Franço, trachis sus li roucas de Vau-Cluso. Se recounèis majamen à si péu estela sus lou dessubre di fueio, ço que ié douno uno coulour grisasso. Li fueio podon èstre tacado e bourdado de péu. De nouta que trachis dins li Mount de Vau-Cluso uno meno apoumictico, caupudo dins Hieracium stelligerum, e que ié dison Hieracium girerdii (en l'ounour de B. Girerd, grand boutanisto vauclusian).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 60 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Hieracium
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 20 à 25 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Remarco : Endemico dóu miejour de Franço
Abriéu à jun

Liò : Roucas - Esboudèu - Bau - Roucaio
Estànci : Mesoumediterran à Subremediterran
Couroulougi : Éuropo-Ouèst
Ref. sc. : Hieracium stelligerum Froël., 1838

Flècho-d'aigo

Sagittaria sagittifolia

Alismataceae

Noms en français : Sagittaire, Flèche-d'eau.

Descripcioun :
La flècho-d'aigo es uno planto proun raro au nostre au contro de l'uba de l'Éuropo. Trachis dins quàuqui relarg bagna de Prouvènço dóu couchant. Es uno planto eisado de recounèisse emé si fueio en flècho ; soun li fueio dins l'èr. Fai peréu de fueio longo en riban que pousson dins l'aigo (fueio primàri). Li flour soun poulideto, femello en bas e masclo en aut de l'enflourejado.

Usanço :
Lou rizoumo èi manjadis (crus o cue), s'acampo à l'autouno (mai pas encò nostre que n'i'a gaire !). Dins d'ùni païs s'en fai de galeto emé la feculo. Lis indian d'Americo quichavon li rizoumo fres emé d'aigo e piéi criblavon tout acò pèr leva li fibro.